Ni Glenn Arimas
Balak

Ako usa ka tagabalay lang
wala gagawas, pero naa pirmis gawas
naa pirmis balay, naa sa sulod.
Wala ko nakakulong kay naa ra kos among balay,
sa amoang balay.

Among balay walay laing makalupig
dakog hawanan ug daghang mga tanom.
Lig-on ang pundasyon sa among balay
kay kami tanan gatinabangay
sa amoang balay.

Limpyo ang tubig ug daghang pagkaon
tag-as among mga punoan, lagpad mga basakan
lami ang mga prutas ug gulay
naay usahay sa langit nga daghag kulay
sa amoang balay.

Ako usa ka tagabalay lang
lami ang hangin sa udto ug kagabhion
sa unahan saba kay daghag dagko nga tinukod
maayo gyud sa panan-aw maong adto mo diri
sa amoang balay.