Undang-Piti

Ni Hannah Adtoon Leceña
Balak

Dong,
Tingalig gilaay na pud ka
Maong nanghagad ka
Nga magpitikanay tang duha,
Ug karun nga gikapoy na ko
Gikuha nimo ang tsinelas
Ug gipiti sa akoang lapalapa
Kay undang-piti baya ta.
Imong pangutana,
“Dili na jud ka?”
Nagpahiyom lang ko.
Niana ka,
“Lahi na sab atoang dulaon.”
Mas labaw pa
Sa litik
Sa pitik
Sa piti
Kadtong mga pulonga.

Advertisements