#ReminderParaKayFuture

by Larry Illich N. Souribio (Poetry)

Kung sa diin ka man subong, langga
Tani mabal-an mo nga ari ko
Nagahulat, nagakanta-kanta,
Gadahum kag damgo sang gakos mo.
Inig-abot mo, bitbit mo tani
Ang batsoy kag pan nga akon uyon
Tener dayun kag di na magpuli
Maghampang-hampang ta asta hapon.
Akon lang gali nga pahinumdum,
Tamad na ko nga maghulat liwat
Dali, bag-o ang langit maggal-um,
Para ang tion aton makawat.
Subo ako sang pirti ka dugay,
Malipay ko sa imo laragway.

Advertisements